عم الطبيب-كلمات اغنية عم الطبيب مكتوبة-عمرو دياب
عم الطبيب
عمرو دياب
عمّ الطبيب
جنبي الشمال ده بتجيله شكّة
من حالي طول الليل بتشكّى
عرّى وكشف.. شاف الهموم
بصّ بأسف.. وقاللي قوم
ما تروحش يابني لطبيب يطبّك.. أنت علاجك حبيب يحبّك
عمّ العطار
اعمللي من عندك تحبيشة
أحلّي بيها مرار العيشة
بصّ وسأل.. فين يوجعك
فرح وزعل.. مين يسمعك
أنا قلت بلوتي في الكتمان.. قاللي دواها صحاب جدعان
شيخ العرب
اديلي مدّة دايخ مدوّخ
هات الخلاصة أنا وضعي بوّخ
قاللي دواك.. وبلاش تقاطع
عند العجيب.. أبو سرّ باتع
أنا قلت أيه قاللي يا متعوس.. كل العلل دواها الفلوس
يا طول غُلبي يا طول توهتي
يا آهة جديدة على آهتي
دواك لاذذ ونفسي أدوق
لكن عازز ومش في السوق
تعليقات
إرسال تعليق
شكرا على تعليقك,سوف نعمل على ما طلبت!