كلمات اغنية انتي اول وطن-محمد سامي|الشاعر حسين جبار2020
انتي اول وطن
الشاعر حسين جبار | غناء محمد سامي
يحبيبة الوطن ماطابن جروحة
بعدنه نزف عمر من روحنه لروحة
الوطن لو طاح شيلمة
احبج ثورة مو كلمة
وانه وياج نعرف زين
الحب والوطن قسمة
.
———
ماناسيج لكن ملتهي شويه
انتخه بيه العراق وكلت مكضية
باجر تخلص ونلتقي و بالتحرير
واسولفلج مواقفنه البطولية
ونمر اعله الجسر ونفوت للخضراء
وعلى الصبات نكتب ذكرى ثورية
انه الخلصن عشريني بالتحرير
سمرة احلامي ذيج القبل وردية
باجر من اجيب اهلي واجيكم ضيف
اجي مترهي جايب بيدي حرية
لو سألوني شمخلص ؟ اكول انجاز
اكول مشارك بثورات سلمية
رغم هذا الطلق والموت بس ماخاف
بس كبالج انه تبيد رجلية
يضربوني الشغب واتذكر الزعلات
واكولن ذني اهون ذني الشويه
عيوني اعله المسيل تعودت بس ليش
صورج بالعيون تعيل ليلية
واذا ثوار بس ليلية مشتاگين
والمطعم التركي نترسه حنيه
صح احنه زلم مانرجف اعله الموت
بس بالليل نبجي بابسط اغنية
قبل فترة التقينه وجنتو معتصمين
وبالنضرات صارت حرب اهلية
ساعتها غرت بس مو من الطلاب
غرت من الوطن دمعتي اله شويه
انتي اول وطن ماجاسته الاحزاب
انتي اول وطن ضد الحرامية
اول وطن حبني بدون نوع اطياف
ولا راد العلاقة تكون شيعية
اول وطن مافضل شگار ايران
وطن عاشگ سمار الناصرية
الصراحة اول وطن حسيته ينعاش
حسيتج عراق بهيئة بنية
————
يكتلوني ... ولكن صوت ظل باقي
ذنب موتي ... لان گلبي انه عراقي
انتي اول وطن وردي
احبج باقي عد عهدي
واذا مكتوب باجر موت
سمي ابنج وطن بعدي
تعليقات
إرسال تعليق
شكرا على تعليقك,سوف نعمل على ما طلبت!